២៩ កញ្ញា ២០១៦
ក្រុមប្រតិភូនាវាយុវជនអាស៊ីអាគ្នេយ៍កម្ពុជាចំនួន ២៨នាក់ ដែលត្រូវទៅចូលរួមក្នុងកម្មវិធីនាវាយុវជនអាស៊ីអាគ្នេយ៍កម្ពុជា ជប៉ុន លើកទី៤៣ បានទទួលការអនុញ្ញតិពីឯកឧត្ដម ជា ចាន់តូ ទេសាភិបាលធនាគារជាតិនៃកម្ពុជា ឲ្យចូលសម្ដែងការគួរសមរកាលពីសៀលថ្ងៃទី២៩កញ្ញាដើម្បីស្វែងយល់បន្ថែមលើចំណេះដឹងថ្មីៗដែលជាពុទ្ធិក្នុងវិស័យធនាគារ ។
លោក ស៊ាន សុលក្ខណ័ ប្រធានក្រុមប្រតិភូនាវាយុវជនអាស៊ីអាគ្នេយ៏កម្ពុជា បានបញ្ជាក់ឲ្យដឹងថា កម្មវិធីនាវាយុវជនអាស៊ីអាគ្នេយ៍កម្ពុជា ជប៉ុនលើកទី៤៣ នេះមានសារៈសំខាន់ណាស់សម្រាប់យុវជនកម្ពុជា ហើយក៏ជាមុខមាត់របស់ប្រទេសជាតិនិងប្រជាពលរដ្ឋកម្ពុជាផងដែរ ។ ដូចនេះក្នុងនាមជាយុវជនតំណាងឲ្យជាតិទាំងមូលនោះចាំបាច់ត្រូវមានការសិក្សាស្វែងយល់ពីស្ថានភាពជាក់ស្ដែងដែលកម្ពុជាមានក្នុងនោះរួមទាំងការរីកចម្រើនក្នុងវិស័យធនាគាររបស់កម្ពុជាផងដែរ ។ លោក ស៊ាន សុលក្ខណ័ នូវបានជម្រាប់ជូនឯកឧត្ដម ជា ចាន់តូ ឲ្យបានជ្រាប់ដែរថា នៅក្នុងរយៈ៥២ថ្ងៃនៃកម្មវិធីនាវាយុវជនអាស៊ីអាគ្នេយ៍កម្ពុជា ជប៉ុន នេះយុវជនកម្ពុជានឹងបង្ហាញដល់យុវជននៃបណ្ដាប្រទេសក្នុងអាស៊ាន និង ជប៉ុន បានដឹងពី អរិយ្យធ៌មរបស់កម្ពុជា តំបន់ប្រវត្តិសាស្ត្រ ប្រាង្គប្រាសាទ សក្ដានុពលក្នុងវិស័យទេសចរណ៏និងវិស័យផ្សេងទៀតដែលកម្ពុជាមាន ។ ជាមួយនេះដែរក៏នឹងបញ្ជាក់ឲ្យគេបានដឹងថា៖ប្រទេសកម្ពុជាពិតជាមានសុខសន្តិភាព និងមានស្ថេរភាពក្នុងវិស័យសេដ្ឋកិច្ច ក្នុងនោះរួមទាំងការរីកចម្រើននៃវិស័យធនាគារផងដែរ ។
មានប្រសាសន៏ក្នុងឱកាសនោះ ឯកឧត្ដម ជា ចាន់តូ បានបញ្ជាក់ថា ដើម្បីមុខមាត់មោទនភាពជាតិ និង គ្រួសារនោះនៅក្នុងដំណើរបំពេញទស្សនកិច្ចសិក្សាក្នុងកម្មវិធីនាវាយុវជនអាស៊ីអាគ្នេយ៍កម្ពុជា ជប៉ុន ទទួលបានជោគជ័យនោះយុវជនត្រូវមានការសាមគ្គីគ្នាឲ្យបានល្អក្នុងនាមជាអ្នកតំណាងឲ្យជាតិទាំងមូល ។ ជាមួយនេះដែរយុវជនយើងត្រូវតែបង្ហាញពីស្មារតីសាមគ្គីនិងកិច្ចសហការទាំងផ្នែកវប្បធ៌ម សេដ្ឋកិច្ច និង សង្គមរវាងយុវជនអាស៊ាន និងបណ្ដាប្រទេសជាមិត្តរបស់អាស៊ាន ។ ហើយនៅអំឡុងពេលបំពេញទស្សនកិច្ចសិក្សានេះដែរត្រូវចេះសិក្សាស្វែងយល់ឲ្យបានច្បាស់ពីការរស់នៅ របៀបបរបរស់នៅ ប្រពៃណីវប្បធ៌មនិងការអភិវឌ្ឍរីកចម្រើននៃសេដ្ឋកិច្ចនិងសង្គមរបស់ប្រទេសនីមួយៗដែលបានស្នាក់នៅរៀនសូត្រព្រោះនៅយុគសម័យនៃការការអភិវឌ្ឍសេដ្ឋកិច្ចផ្អែកលើពុទ្ធិ គឺយុវជនបានដើរតួនាទីនិងមានសារៈសំខាន់ណាស់សម្រាប់ប្រទេសជាតិ ។ ដើម្បីឲ្យដំណើរទស្សនកិច្ចសិក្សានេះបានផលល្អត្រូវយកចិត្តទុកដាក់ត្រង់ត្រាប់ស្ដាប់ គិតគូរ ចេះសួនិងត្រូវចេះកត់ត្រាឲ្យបានច្បាស់ពីអ្វីដែលមានសារៈសំខាន់ ។ ជមួយនេះដែរក្នុងតួនាទីជាអ្នកបន្តវេនត្រូវតែខិតខំស្វ័យអភិវឌ្ឍខ្លួនឯងតាមរយៈការសិក្សាស្រាវជ្រាវដោយយកចំណេះដឹងថ្មីៗនិងការបណ្ដុះបណ្ដាលអភិវឌ្ឍខ្លួនទាំងកម្លាំងប្រាជ្ញា ស្មារតី និងត្រូវមានមនសិការស្នេហាជាតិខ្ពស់។
ឯកឧត្ដម ជា ចាន់តូ បានបន្តទៀតថា នៅពេលណាដែលយុវជនយល់ដឹងពីប្រវត្តិសាស្ត្រ គឺមានន័យថាយុវជនបានស្គាល់ខ្លួនឯង ស្គាល់អត្តសញ្ញាណនិងទីតាំងខ្លួនថានៅទីណា ? និងត្រូវទៅណា ?នោះហើយពិតជាទទួលជោគជ័យក្នុងជិវិតនិងក្លាយជាអ្នកបន្តវេនពិតប្រាកដ ដែលមានទាំងចំណេះដឹង ចំណេះធ្វើ ដែលជាធនធានមនុស្សប្រកបដោយសមត្ថភាពនៅក្នុងចូលរួមចំណែកកសាងសង្គមកម្ពុជាឲ្យមានសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សង្គម និងធ្វើឲ្យមានកំណើនសេដ្ឋកិច្ចល្អសម្រាប់ ជួយកែលម្អជីវភាពនិងការកាត់បន្ថយភាពក្រីក្ររបស់ប្រជាជន។
នៅក្នុងឱកាសនោះឯកឧត្ដមទេសាភិបាល បានសម្ដែងការសង្ឃឹមយ៉ាងមុតមាំថា៖តារយៈកម្មវិធីនាវាយុវជនអាស៊ីអាគ្នេយ៍កម្ពុជា ជប៉ុន លើកទី៤៣នេះនឹងផ្ដល់ឲ្យយុវជនកម្ពុជានូវបទពិសោធន៏និងចំណេះដឹងថ្មីៗបន្ថែមសម្រាប់រួមចំណែកអភិវឌ្ឍប្រទេសជាតិនិងការពង្រឹងនិងពង្រីកនូវសមត្ថភាព ភាពអ្នកដឹកនាំសម្រាប់បន្តវេនដឹកនាំប្រទេសកម្ពុជាឲ្យសម្បូររុងរឿងប្រកបដោយការអភិវឌ្ឍ ។
សូមរំលឹកឲ្យដឹងថា កម្មវិធីនាវាយុវជនអាស៊ីអាគ្នេយ៍កម្ពុជា ជប៉ុននេះ ប្រទេសកម្ពុជាបានក្លាយជាសមាជិកផ្លូវការនៅឆ្នាំ២០០០ បន្ទាប់ពីកម្ពុជាបានចូលជាសមាជិកសមាគមន៏ប្រជាជាតិអាស៊ីអាគ្នេយ៍បានមួយឆ្នាំនោះមក ។ ហើយម្មវិធីនេះមានគោលបំណងដើម្បីព្រឹងនិងពង្រីកកិច្ចសហប្រតិបត្តិការរវាងយុវជនប្រទេសអាស៊ានទាំងអស់និងយុវជនជប៉ុន ។ ជាមួយនេះក៏បានផ្ដល់ឲ្យយុវជនបានស្វែងយល់ពីវប្បធ៌ ប្រពៃណី ការស់នៅ និងរបៀបរបបរស់នៅរបស់ប្រជាជននៃប្រទេសនីមួយៗ និងផ្ដល់ឱកាសឲ្យយុវជនបានទស្សនកិច្ចសិក្សាតាមស្ថាប័នធំៗក្នុងប្រទេសទាំង៥ក្នុងនោះរួមទាំងប្រទេសកម្ពុជាផងដែរ ។ ហើយកម្មវិធីលើកទី៤៣នេះនឹងចាប់ផ្ដើមចេញសំណើរពីថ្ងៃទី២៥ ខែតុលា ដល់ថ្ងៃទី១៥ ខែធ្នូ ឆ្នាំ២០១៦៕
