លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា បានអញ្ជើញបំពេញទស្សនកិច្ចសារមន្ទីរសេដ្ឋកិច្ច (Citéco) នៃធនាគារកណ្តាលបារាំង
០៣ មិថុនា ២០២៤

លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា បានអញ្ជើញបំពេញទស្សនកិច្ចសារមន្ទីរសេដ្ឋកិច្ច (Citéco) នៃធនាគារកណ្តាលបារាំង នៅទីក្រុងបារីស ប្រទេសបារាំង នាថ្ងៃទី៣ ខែមិថុនា ឆ្នាំ២០២៤ ដោយមានការទទួលបដិសណ្ឋារកិច្ចដោយលោក Philippe Gineste ប្រធានសារមន្ទីរ។ 
ទស្សនកិច្ចនេះមានគោលបំណងពង្រឹងកិច្ចសហប្រតិបត្តិការរវាងសារមន្ទីរនៃធនាគារកណ្តាលទាំងពីរ។ សារមន្ទីរ Citéco ត្រូវបានបើកឱ្យចូលទស្សនាជាសាធារណៈ ដើម្បីផ្តល់ចំណេះផ្នែកសេដ្ឋកិច្ច ហិរញ្ញវត្ថុ និងរូបិយវត្ថុ ជាពិសេសចំពោះយុវជន។  
លោកជំទាវ បានថ្លែងអំណរគុណយ៉ាងជ្រាលជ្រៅចំពោះសារមន្ទីរ Citéco ដែលកន្លងមកបានចែករំលែកបទពិសោធន៍និងមានកិច្ចសហការល្អជាមួយសារមន្ទីរសេដ្ឋកិច្ចនិងរូបិយវត្ថុ ព្រះស្រីឦសានវរ្ម័ន (ស.ស.រ) នៃធនាគារជាតិនៃកម្ពុជា៕