១១ មករា ២០២១
កាលពីថ្ងៃចន្ទ ១៣រោច ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១១ ខែមករា ឆ្នាំ២០២១ អង្គភាពស៊ើបការណ៍ហិរញ្ញវត្ថុកម្ពុជា បានរៀបចំកិច្ចប្រជុំតាមរយៈ Videoconference រវាងប្រតិភូប្រទេសកម្ពុជាជាមួយក្រុមការងារត្រួតពិនិត្យរួម នៃប្រទេសអាស៊ីប៉ាស៊ីហ្វិក អំពីកិច្ចសហប្រតិបត្តិការអន្តរជាតិ (ICRG-JG) នៅធនាគារជាតិនៃកម្ពុជា អគារសែនសុខ។ កិច្ចប្រជុំនេះគឺជាកិច្ចប្រជុំលើកទី៥ ដែលប្រតិភូប្រទេសកម្ពុជាបានធ្វើការរាយការណ៍លើវឌ្ឍនភាពនៃការអនុវត្តសកម្មភាពដែលនៅដក់សល់ និងទទួលបានការកោតសរសើរពីក្រុមការងារត្រួតពិនិត្យរួមនៃប្រទេសអាស៊ីប៉ាស៊ីហ្វិក អំពីកិច្ចសហប្រតិបត្តិការអន្តរជាតិលើកិច្ចខិតខំប្រឹងប្រែងរបស់កម្ពុជា ក្នុងការបំពេញការងារជាច្រើន ស្របពេលដែលប្រទេសលើពិភពលោកកំពុងដោះស្រាយបញ្ហាជំងឺកូវីដ-១៩។
