២១ កញ្ញា ២០២០
នៅថ្ងៃចន្ទ-អង្គារ ៤-៥កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១-២២ ខែកញ្ញា ឆ្នាំ២០២០ ធនាគារជាតិនៃកម្ពុជា សហការជាមួយក្រសួងកិច្ចការនារី ដោយមានការគាំទ្ររបស់ក្រុមហ៊ុន វីសា បានរៀបចំវគ្គបណ្តុះបណ្តាល ស្តីពី ចំណេះដឹងផ្នែកហិរញ្ញវត្ថុសម្រាប់អភិវឌ្ឍន៍សហគ្រិនភាពស្ត្រី នៅខេត្តព្រះវិហារ ក្រោមអធិបតីភាព លោកជំទាវ ច័ន្ទ សូរីយ៍ រដ្ឋលេខាធិការក្រសួងកិច្ចការនារី និងមានការចូលរួមពី លោកជំទាវ ចឹក ហេង អភិបាលរងនៃគណៈអភិបាលខេត្តព្រះវិហារ និង លោក អែម កំណាន់ ប្រធាននាយកដ្ឋានគោលនយោបាយបទប្បញ្ញត្តិនិងវាយតម្លៃហានិភ័យ និងជាប្រធានក្រុមការងារអប់រំផ្នែកហិរញ្ញវត្ថុ នៃធនាគារជាតិនៃកម្ពុជា។
កម្មវីធីនេះគឺជាផ្នែកមួយនៃគម្រោងកិច្ចសហប្រតិបត្តិការ និងភាពជាដៃគូ រវាងធនាគារជាតិនៃកម្ពុជា និងក្រសួងកិច្ចការនារី និងក៏ជាសកម្មភាពអាទិភាពមួយដែលបានកំណត់ក្នុងយុទ្ធសាស្ត្រជាតិ ស្តីពី បរិយាបន្នហិរញ្ញវត្ថុ ឆ្នាំ២០១៩-២០២៥ ជាពិសេស ការលើកកម្ពស់បរិយាបន្នហិរញ្ញវត្ថុ និងចំណេះដឹងផ្នែកហិរញ្ញវត្ថុសម្រាប់ស្ត្រី។
