២១ កុម្ភៈ ២០២០
នៅថ្ងៃព្រហស្បតិ៍ ១២រោច ដល់ថ្ងៃសុក្រ ១៣រោច ខែមាឃ ឆ្នាំកុរ ព.ស.២៥៦៣ ត្រូវនឹងថ្ងៃទី២០-២១ ខែកុម្ភៈ ឆ្នាំ២០២០ អង្គភាពស៊ើបការណ៍ហិរញ្ញវត្ថុកម្ពុជាបានរៀបចំសិក្ខាសាលាស្តីពី ការដាក់ទណ្ឌកម្មខាងវិន័យផ្នែកហិរញ្ញវត្ថុ ចំពោះបុគ្គលរាយការណ៍ដែលមិនអនុវត្តតាមច្បាប់និងបទប្បញ្ញត្តិស្តីពី ការប្រឆាំងការសម្អាតប្រាក់និងហិរញ្ញប្បទានភេរវកម្ម ចំនួន៤សិក្ខាសាលាសម្រាប់ ១/- គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ដែលមានសិក្ខាកាមចូលរួមសរុបចំនួន ១៣៦នាក់ ២/- គ្រឹះស្ថានមីក្រូហិរញ្ញវត្ថុ ដែលមានសិក្ខាកាមចូលរួមចំនួន ១៥២នាក់ ៣/- ក្រុមហ៊ុនភតិសន្យាហិរញ្ញវត្ថុ គ្រឹះស្ថានផ្តល់សេវាទូទាត់ អ្នកដំណើរការតតីយ ភាគីអាជីវកម្មប្តូរប្រាក់ និងគ្រឹះស្ថានផ្សេងទៀតដែលស្ថិតក្រោមអាណាព្យាបាលរបស់ធនាគារជាតិនៃកម្ពុជា ដែលមានសិក្ខាកាមចូលរួមចំនួន ១៣០នាក់ និង៤/- ក្រុមហ៊ុនកាស៊ីណូ ក្រុមហ៊ុនអចលនទ្រព្យ និងសមាគមអ្នកអភិវឌ្ឍន៍លំនៅដ្ឋានកម្ពុជា ដែលមានសិក្ខាកាមចូលរួមចំនួន ៣៣០នាក់។
