២០ មករា ២០២០
នៅថ្ងៃអាទិត្យ ១០រោច ដល់ថ្ងៃចន្ទ ១១រោច ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៩-២០ ខែមករា ឆ្នាំ២០២០ លោកជំទាវ ជា សិរី អគ្គនាយកបច្ចេកទេសនៃធនាគារជាតិនៃកម្ពុជា ត្រូវបានអញ្ជើញចូលរួមក្នុងកម្មវិធី Lamfalussy Award Dinner និងបានថ្លែងសុន្ទរកថាលើប្រធានបទ ស្តីពី “Maintaining Convergence in a Changing World: In Asia” ក្នុងសន្និសីទ Lamfalussy នៅទីក្រុងប៊ុយដាប៉ែស ប្រទេសហុងគ្រី។ កម្មវិធីនេះគឺជាសន្និសីទប្រចាំឆ្នាំលើកទី ៧ ដែលជាវេទិកាដ៏សំខាន់មួយសម្រាប់ទេសាភិបាលធនាគារកណ្តាល សេដ្ឋវិទូល្បីៗ និងអ្នកជំនាញផ្នែកហិរញ្ញវត្ថុ ធ្វើការជជែកពិភាក្សាអំពីបញ្ហាបន្ទាន់ផ្សេងៗ និងប្រធានបទនានាទាក់ទងនឹងគោលនយោបាយសេដ្ឋកិច្ចពិភពលោក។ នៅក្នុងសុន្ទរកថានោះផងដែរ លោកជំទាវបានលើកឡើងអំពីចំណុចសំខាន់ៗចំនួន ៤ គឺ ១/- ការអនុម័តតាមបែបបទអន្តរជាតិគប្បីត្រូវធ្វើការពិចារណាលើស្ថានភាពក្នុងស្រុក ២/- ការធ្វើពិពិធកម្មសេដ្ឋកិច្ចជាតិដើម្បីរក្សាភាពធន់នឹងការប៉ះទង្គិចខាងក្រៅ ៣/- ការពង្រឹងអភិបាលកិច្ចស្ថាប័ន តម្លាភាព និងប្រព័ន្ធអប់រំដោយប្រើប្រាស់នវានុវត្តន៍បច្ចេកវិទ្យា និង ៤/- ការដោះស្រាយបញ្ហាប្រែប្រួលអាកាសធាតុដោយរក្សាតុល្យភាពរវាងកំណើនសេដ្ឋកិច្ចនិងការអភិរក្សបរិស្ថាន។
