ព័ត៌មាន
សិក្ខាសាលា ស្តីពី ការអនុវត្តស្តង់ដារបាយការណ៍ទាក់ទងនឹងហិរញ្ញវត្ថុអន្តរជាតិនៃកម្ពុជាសម្រាប់សហគ្រាសធុនតូចនិងមធ្យម
១៨ តុលា ២០១៩
១៨ តុលា ២០១៩
នៅថ្ងៃសុក្រ ៥រោច ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៨ ខែតុលា ឆ្នាំ២០១៩ ធនាគារជាតិនៃកម្ពុជា បានរៀបចំសិក្ខាសាលា ស្តីពី ការអនុវត្តស្តង់ដារបាយការណ៍ទាក់ទងនឹងហិរញ្ញវត្ថុអន្តរជាតិនៃកម្ពុជាសម្រាប់សហគ្រាសធុនតូចនិងមធ្យម នៅអគារសែនសុខ ក្រោមកិច្ចសហការដោយធនាគារពិភពលោក និងក្រុមហ៊ុនសវនកម្មឯករាជ្យ។ សិក្ខាសាលានេះ រៀបចំឡើងក្នុងគោលបំណងចែករំលែកចំណេះដឹង បទពិសោធន៍ និងបញ្ហាប្រឈមពាក់ព័ន្ធនឹងការអនុវត្តស្តង់ដារបាយការណ៍ទាក់ទងនឹងហិរញ្ញវត្ថុអន្តរជាតិនៃកម្ពុជាសម្រាប់សហគ្រាសធុនតូចនិងមធ្យម ដល់សិក្ខាកាមដែលមកពីគ្រឹះស្ថានមីក្រូហិរញ្ញវត្ថុ ក្រុមហ៊ុនភតិសន្យាហិរញ្ញវត្ថុ ក្រុមហ៊ុនសវនកម្មឯករាជ្យ និងមន្ត្រីត្រួតពិនិត្យ សរុបប្រមាណ ១៥០នាក់។
