០៦ មីនា ២០១៩
នៅថ្ងៃពុធ ១កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៦ ខែមីនា ឆ្នាំ២០១៩ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ទេសាភិបាល ធនាគារជាតិនៃកម្ពុជា លោកជំទាវ នាវ ច័ន្ទថាណា ទេសាភិបាលរងធនាគារជាតិនៃកម្ពុជា បានជួបសម្តែងការគួរសមនិងពិភាក្សាការងារជាមួយក្រុមបេសកកម្មរបស់មូលនិធិរូបិយវត្ថុអន្តរជាតិ (IMF) នៅធនាគារជាតិនៃកម្ពុជា។ បេសកកម្មរបស់ IMF នេះចាប់ផ្តើមចាប់ពីថ្ងៃទី៦ ដល់ទី២០ ខែមីនា ឆ្នាំ២០១៩ នៅធនាគារជាតិនៃកម្ពុជា ក្រោមកម្មវិធីការវាយតម្លៃប្រសិទ្ធភាពជំនួយបច្ចេកទេសលើវិស័យហិរញ្ញវត្ថុ ក្នុងគោលបំណងពិនិត្យមើលលើ៖ i/-បញ្ហាប្រឈមសំខាន់ៗនៅក្នុងប្រព័ន្ធហិរញ្ញវត្ថុនិងសមត្ថភាពស្ថាប័ន និង ii/-ការបង្កើតឱ្យមានចង្វាក់សកម្មភាពជំនួយបច្ចេកទេសនៅក្នុងផែនទីមគ្គទេសក៍ជំនួយបច្ចេកទេស។
