ព័ត៌មាន
កិច្ចពិភាក្សាតុមូលលើកទី១១ របស់សាជីវកម្មធានារ៉ាប់រងលើប្រាក់បញ្ញើរបស់ជប៉ុន នៅទីក្រុងតូក្យូ ប្រទេសជប៉ុន
១២ មីនា ២០១៩
១២ មីនា ២០១៩
នាថ្ងៃអង្គារ៍-ពុធ ៧-៨កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១២-១៣ ខែមីនា ឆ្នាំ២០១៩ ឯកឧត្តម រ័ត្ន សុវណ្ណនរៈ អគ្គនាយកត្រួតពិនិត្យធនាគារជាតិនៃកម្ពុជា បានដឹកនាំមន្ត្រីធនាគារជាតិនៃកម្ពុជា ចូលរួម "កិច្ចពិភាក្សាតុមូលលើកទី១១ របស់សាជីវកម្មធានារ៉ាប់រងលើប្រាក់បញ្ញើរបស់ជប៉ុន" នៅទីក្រុងតូក្យូ ប្រទេសជប៉ុន ដែលរៀបចំដោយសាជីវកម្មធានារ៉ាប់រងលើប្រាក់បញ្ញើរបស់ជប៉ុន។ កិច្ចពិភាក្សានេះ មានគោលបំណងចែករំលែកបទពិសោធន៍និងចំណេះដឹងក្នុងការរៀបចំមូលនិធិសម្រាប់ការធានារ៉ាប់រងលើប្រាក់បញ្ញើ ដោយយកចិត្តទុកដាក់លើមូលនិធិក្នុងការរៀបចំគម្រោង ការកំណត់មូលនិធិ ការកំណត់កម្រៃ និង ការគ្រប់គ្រងមូលនិធិធានារ៉ាប់រងលើប្រាក់បញ្ញើ។
