០២ សីហា ២០១៨
លោកជំទាវ ជា សិរី អគ្គនាយកបច្ចេកទេសធនាគារជាតិនៃកម្ពុជា បានអញ្ជើញជាអធិបតីបិទវគ្គនិងចែកសញ្ញាបត្រជូនសិក្ខាកាម នៅថ្ងៃព្រហស្បតិ៍ ៦រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២ ខែសីហា ឆ្នាំ២០១៨។ លោកជំទាវបានអបអរសាទរនិងកោតសរសើរដល់សិក្ខាកាម ដែលបានខិតខំប្រឹងប្រែងត្រងត្រាប់នូវការចែករំលែកចំណេះដឹងនិងបទពិសោធន៍ល្អៗពីវាគ្មិនលើប្រធានបទដូចជា ទស្សនាទាននៃការតាមដានស្ថានភាពម៉ាក្រូសេដ្ឋកិច្ច ការគ្រប់គ្រងស្ថានភាពម៉ាក្រូសេដ្ឋកិច្ចរយៈពេលខ្លីនិងមធ្យម និងហានិភ័យនិងយន្តការដោះស្រាយវិបត្តិ ជាដើម។ លោកជំទាវក៏បានថ្លែងអំណរគុណយ៉ាងជ្រាលជ្រៅដល់ធនាគារជាអភិវឌ្ឍន៍អាស៊ី ក៏ដូចជាវាគ្មិនទាំងអស់ដែលបន្តគាំទ្រនិងរួមចំណែកក្នុងការពង្រឹងសមត្ថភាពមន្ត្រីបុគ្គលិកធនាគារជាតិនៃកម្ពុជា។
