០៧ កញ្ញា ២០១៧
នៅរសៀលថ្ងៃទី៧ ខែកញ្ញា ឆ្នាំ២០១៧ ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា បានអនុញ្ញាតឲ្យ សមាជិកក្រុមប្រឹក្សាភិបាល ធនាគារកម្ពុជាសាធារណៈ ដឹកនាំដោយលោក Tan Sri Dato' Sri Tay Ah Lek ប្រធានក្រុមប្រឹក្សាភិបាល ធនាគារកម្ពុជាសាធារណៈ និងជាប្រធាននាយកប្រតិបត្តិ ធនាគារសាធារណៈម៉ាឡេស៊ី ជួបសម្តែងការគួរសម និងពិភាក្សាការងារ ។ ក្រុមប្រឹក្សាភិបាលធនាគារកម្ពុជាសាធារណៈ ក៏បានជួបផងដែរជាមួយអគ្គនាយកដ្ឋានត្រួតពិនិត្យ។ ជំនួបនេះ ជាជំនួបប្រចាំឆ្នាំដែលថ្នាក់ដឹកនាំធនាគារជាតិនៃកម្ពុជា ទទួលជួបជាមួយក្រុមប្រឹក្សាភិបាលគ្រឹះស្ថានធនាគារនិងហិរញ្ញវត្ថុ ដើម្បីធានាថា គ្រឹះស្ថានធនាគារនិងហិរញ្ញវត្ថុ រួមចំណែកយ៉ាងសកម្មក្នុងការអភិវឌ្ឍវិស័យធនាគារនិងសេដ្ឋកិច្ចកម្ពុជា ស្របតាមគោលនយោបាយរបស់ធនាគារជាតិនៃកម្ពុជា រាជរដ្ឋាភិបាលកម្ពុជា និងឧត្តមានុវត្តអន្តរជាតិ។
