៣១ សីហា ២០១៧
កាលពីថ្ងៃទី៣១ ខែសីហា ឆ្នាំ២០១៧ លោកជំទាវ ជា សិរី អគ្គនាយកបច្ចេកទេសធនាគារជាតិនៃកម្ពុជាបានដឹកនាំក្រុមការងារ ជួបប្រជុំជាមួយគណៈកម្មការទូទាត់នៃសមាគមធនាគារនៅកម្ពុជា ។ គោលបំណងនៃកិច្ចប្រជុំនេះគឺដើម្បីពិភាក្សាលើបញ្ហាគោលនយោបាយសំខាន់ៗមួយចំនួនដែលត្រូវអនុវត្តសម្រាប់ការអភិវឌ្ឍប្រព័ន្ធទូទាត់នៅកម្ពុជា ។ ក្រុមការងារគណៈកម្មការ ទូទាត់ក៏បានជម្រាបធនាគារជាតិនៃកម្ពុជាអំពីសកម្មភាពការងារថ្មីៗដែលគណៈកម្មការបាន និងត្រៀមអនុវត្ត ដូចជា ការរៀបចំរចនាសម្ព័ន្ធរបស់គណៈកម្មការទូទាត់ ផែនការសម្រាប់ជំរុញការប្រើប្រាស់សេវាទូទាត់រហ័ស (Fast Payment) និងប្រព័ន្ធ Cambodian Shared Switch (CSS) ។ ទន្ទឹមនោះ ក្រុមការងារធនាគារជាតិនៃកម្ពុជាក៏បានជម្រាបអំពីផែនការអនាគត ដែលធនាគារជាតិនៃកម្ពុជាគ្រោងនឹងអនុវត្តពាក់ព័ន្ធនឹងការអភិវឌ្ឍហេដ្ឋារចនាសម្ព័ន្ធ ទូទាត់ នៅកម្ពុជា ដែលរួមមាន ការអភិវឌ្ឍប្រព័ន្ធទូទាត់ដុលភ្លាមៗ និងការសិក្សាលើករណី រូបិយប័ណ្ណឌីជីថល (Digital Currency) ។
