២៨ សីហា ២០១៧
កាលពីថ្ងៃទី២៨ ខែសីហា ឆ្នាំ២០១៧ លោកជំទាវ ជា សិរី អគ្គនាយកបច្ចេកទេស ធនាគារជាតិនៃកម្ពុជា បានអញ្ជើញធ្វើបទបង្ហាញស្ដីពី "ទស្សនវិស័យរបស់ធនាគារជាតិនៃកម្ពុជាទៅលើផែនការអាជីវកម្មរបស់សហគ្រាសធុនតូច និងមធ្យមនៅកម្ពុជា" នៅក្នុងសិក្ខាសាលាបច្ចេកទេសស្ដីពី “តួនាទីស្ថាប័ន និងយុទ្ធសាស្ត្រអភិវឌ្ឍន៍មូលធនមនុស្ស ផលិតភាពពលកម្ម និង Sector Performance" ដែលធ្វើឡើងនៅក្រសួងសេដ្ឋកិច្ចនិងហិរញ្ញវត្ថុ។ សិក្ខាសាលានេះមានគោលបំណងអភិវឌ្ឍន៍ក្រុមបច្ចេកទេសស្នូលរបស់ជាតិ សំដៅកសាងភ្នាក់ងារជំនាញជាតិសម្រាប់ការវិភាគ បង្កើតយុទ្ធសាស្ត្រ និងអនុសាសន៍គោលនយោបាយក្នុងក្របខណ្ឌសេដ្ឋកិច្ចពលកម្ម ផលិតភាពពលកម្មនិងភាពប្រកួតប្រជែង។ នៅក្នុងបទបង្ហាញនោះ លោកជំទាវ អគ្គនាយកបច្ចេកទេស ក៏បានលើកឡើងពីស្ថានភាពសហគ្រាសធុនតូចនិងមធ្យមនៅកម្ពុជា កិច្ចខិតខំប្រឹងប្រែងរបស់ធនាគារជាតិនៃកម្ពុជាក្នុងការលើកកម្ពស់លទ្ធភាពទទួលបានហិរញ្ញប្បទាន ការអភិវឌ្ឍសហគ្រាសធុនតូចនិងមធ្យម និងដំណោះស្រាយចំពោះបញ្ហាប្រឈមនានារបស់សហគ្រាសធុនតូចនិងមធ្យមផងដែរ។
