០៣ សីហា ២០១៧
កាលពីថ្ងៃទី៣ ខែសីហា ឆ្នាំ២០១៧ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានអនុញ្ញាតឱ្យឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការនៃក្រុមប្រឹក្សាបណ្ឌិតសភាចារ្យ ចូលជួបសម្តែងការគួរសម និងពិភាក្សាការងារអំពីស្ថានភាពគ្រឹះស្ថានមីក្រូហិរញ្ញវត្ថុ ដែលក្នុងនោះរួមមាន៖ ការកំណត់ពិដានអត្រាការប្រាក់ឥណទាន និងការផ្តល់ឥណទានរបស់គ្រឹះស្ថាន មីក្រូហិរញ្ញវត្ថុ ប្រកបដោយតម្លាភាព និងភាពអនុគ្រោះ ដើម្បីជួយសម្រួលដល់ប្រជាពលរដ្ឋក្រីក្រ។ ឯកឧត្តមទេសាភិបាល ក៏បានថ្លែងអំណរអគុណចំពោះឯកឧត្តមបណ្ឌិតសភាចារ្យ សុខ ទូច ដែលបានចូលរួមចំណែកស្រាវជ្រាវលើបញ្ហាមីក្រូរញ្ញវត្ថុ ដែលលទ្ធផលនៃការស្រាវជ្រាវនេះមានសារៈសំខាន់ណាស់ក្នុងការអភិឌ្ឍវិស័យមីក្រូហិរញ្ញវត្ថុប្រកបដោយចីរភាព។
