០៩ មិថុនា ២០១៧
កាលពីថ្ងៃទី៩ ខែមិថុនា ឆ្នាំ២០១៧ លោកជំទាវ ជា សិរី អគ្គនាយកបច្ចេកទេស ធនាគារជាតិនៃកម្ពុជា បានអញ្ជើញចូលរួមជាវាគ្មិនកិត្តិយសក្នុងវេទិកាអាស៊ានស្តីពី ការជំរុញសហគ្រិនភាពរបស់ស្ត្រី ក្រោមប្រធានបទ "ការកែប្រែឳកាសនៃភាពជោគជ័យគឺជាការកែប្រែសង្គម" ដែលរៀបចំដោយ គណៈកម្មការសេដ្ឋកិច្ចនិងសង្គមសម្រាប់តំបន់អាស៊ីនិងប៉ាស៉ីហ្វិករបស់អង្គការសហប្រជាជាតិ សហការជាមួយវិទ្យាស្ថានសម្រាប់ភាពជាអ្នកដឹកនាំសង្គមរបស់ប្រទេសសិង្ហបុរី និងអង្គភាព Goldman Sachs (យុទ្ធនាការស្ត្រី ១ម៉ឺននាក់) នៅប្រទេសសិង្ហបុរី។ វេទិកានេះមានគោលបំណងផ្លាស់ប្តូរចំណេះដឹងនិងបទពិសោធន៍អំពីការចូលរួមផ្នែកសេដ្ឋកិច្ច ជាពិសេស ផ្តោតលើសហគ្រិនជាស្ត្រីក្នុងតំបន់អាស៊ាន។ តំណាងស្ត្រីកម្ពុជាទូទាំងប្រទេស លោកជំទាវបានចូលរួមក្នុងកិច្ចពិភាក្សាតុមូលជាន់ខ្ពស់អំពី ការបើកចំហសក្តានុពលភាពរបស់សហគ្រិនជាស្ត្រីនៅក្នុងអាស៊ាន។
