២៦ មេសា ២០១៧
កាលពីថ្ងៃទី២៦ ខែមេសា ឆ្នាំ២០១៧ អង្គភាពស៊ើបការណ៍ហិរញ្ញវត្ថុកម្ពុជា និងអង្គភាពស៊ើបការណ៍ហិរញ្ញវត្ថុមីយ៉ាន់ម៉ា បានចុះហត្ថលេខាលើអនុស្សរណៈយោគយល់ស្តីពីការផ្លាស់ប្តូរព័ត៌មានទាក់ទងនឹងការប្រឆាំងការសម្អាតប្រាក់និងហិរញ្ញប្បទានភេរវកម្ម នៅទីក្រុងយ៉ាំងហ្គូន ប្រទេសមីយ៉ាន់ម៉ា ។
ដោយយល់ឃើញពីអត្ថប្រយោជន៍នៃការរឹតចំណងមិត្តភាពរវាងប្រទេសទាំងពីរ អង្គភាពស៊ើបការណ៍ហិរញ្ញវត្ថុកម្ពុជា និងអង្គភាពស៊ើបការណ៍ហិរញ្ញវត្ថុមីយ៉ាន់ម៉ា បានចុះហត្ថលេខាលើអនុស្សរណៈយោគយល់ស្តីពីការផ្លាស់ប្តូរព័ត៌មានទាក់ទងនឹងការប្រឆាំងការសម្អាតប្រាក់ និងហិរញ្ញប្បទានភេរវកម្ម ក្នុងគោលបំណងពង្រឹងនិងពង្រីកកិច្ចសហការអន្តរជាតិ និងកិច្ចខិតខំប្រឹងប្រែងរួមគ្នា ក្នុងការស្វែងរក ទប់ស្កាត់ និងលុបបំបាត់ការសម្អាតប្រាក់និងហិរញ្ញប្បទានភេរវកម្ម ។
ពិធីចុះហត្ថលេខានេះ គឺជាការចុះហត្ថលេខាលើកទី១៦ ដែលអង្គភាពស៊ើបការណ៍ហិរញ្ញវត្ថុកម្ពុជាបានចុះអនុស្សរណៈជាមួយសមភាគីបរទេស រួមមាន ប្រទេសម៉ាឡេស៊ី បង់ក្លាដែស ស្រីលង្កា ជប៉ុន សាធារណរដ្ឋកូរ៉េ វៀតណាម ថៃ ឡាវ ឥណ្ឌូណេស៊ី អូស្ត្រាលី សហព័ន្ធរុស្ស៉ី សាធារណរដ្ឋប្រជាមានិតចិន សិង្ហបុរី ន័រវែស និងអ៊ីស្រាអែល នាពេលកន្លងមក។
