២៩ វិចិ្ឆកា ២០១៦
កាលពីថ្ងៃ២៩ ខែវិច្ឆិកា ឆ្នាំ២០១៦ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានអនុញ្ញាតឱ្យបណ្ឌិត Sudhir Shetty ប្រធានសេដ្ឋវិទូប្រចាំតំបន់អាស៊ីខាងកើតនិងប៉ាស៊ីហ្វិករបស់ធនាគារពិភពលោក ចូលជួបសម្តែងការគួរសមនិងពិភាក្សាការងារនៅធនាគារជាតិនៃកម្ពុជាដើម្បីជម្រាបជូន ពី ស្ថានភាពសេដ្ឋកិច្ច ពិភពលោកនិងតំបន់ និងមានបំណងស្វែងយល់ដឹងពីវឌ្ឍនភាពវិស័យធនាគារ ការលើកម្ពស់ការប្រើប្រាស់ប្រាក់រៀល និងគោលនយោបាយអាត្រាប្តូរប្រាក់ ។
ជាការឆ្លើយតប ឯកឧត្តម ជា ចាន់តូ បានជម្រាបជូនភ្ញៀវថា វិស័យធនាគារមានវឌ្ឍនភាពរឹងមាំ ហើយធនាគារជាតិនៃកម្ពុជាបានដាក់ឱ្យអនុវត្តនូវវិធានការម៉ាក្រូនិងមីក្រូប្រុងប្រយ័ត្ន និងពង្រឹងការត្រួតពិនិត្យ ធនាគារ ដើម្បីរួមចំណែកធានាឱ្យបានស្ថិរភាពហិរញ្ញវត្ថុនៅកម្ពុជា ។ ទន្ទឹមនឹងនេះ រាជរដ្ឋាភិបាល និងធនាគារជាតិនៃកម្ពុជា បានបន្តអនុវត្តគោលនយោបាយ លើកកម្ពស់ការប្រើប្រាស់ប្រាក់រៀលជាបន្តបន្ទាប់ និងបានរក្សាតម្លៃប្រាក់រៀល ដើម្បីពង្រឹងជំនឿទុកចិត្តដល់សាធារណជនមកលើប្រាក់រៀល សំដៅបង្កើនការប្រើប្រាស់ប្រាក់រៀលឱ្យបានទូលំទូលាយ ។
