០២ សីហា ២០១៦
កាលពីព្រឹកថ្ងៃទី២ ខែសីហា ឆ្នាំ២០១៦ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានអនុញ្ញាតឲ្យលោក Samiuela T. Tukuafu នាយកធនាគារអភិវឌ្ឍន៍អាស៊ី (ADB) ប្រចាំនៅកម្ពុជា បានចូលជួបពិភាក្សាការងារ ។ លោក Tukuafu បានជម្រាបជូនឯកឧត្តមទេសាភិបាលពីការរៀបចំកម្មវិធីអបអរសាទរខួប៥០ឆ្នាំរបស់ធនាគារអភិវឌ្ឍន៍អាស៊ី និងឆ្លៀតឱកាសនោះដើម្បីបង្ហាញពីការចូលរួមចំណែករបស់ធនាគារអភិវឌ្ឍន៍អាស៊ី ក្នុងការគាំទ្រការអភិវឌ្ឍវិស័យសេដ្ឋកិច្ចនិងហិរញ្ញវត្ថុនៅកម្ពុជា ដែលនៅក្នុងនោះ ធនាគារជាតិនៃកម្ពុជាមានកិច្ចសហប្រតិបត្តិការយ៉ាងល្អប្រសើរជាមួយ ADB ក្នុងការអភិវឌ្ឍវិស័យហិរញ្ញវត្ថុ ។ ឯកឧត្តមទេសាភិបាលបានសម្តែងការគាំទ្រការរៀបចំកម្មវិធីរបស់ ADB នេះនិងបានថ្លែងអំណរអគុណ ADB ដែលបានជួយអភិវឌ្ឍវិស័យហិរញ្ញវត្ថុកម្ពុុជាឲ្យបានរឹងមាំ ជាពិសេសការបង្កើតយុទ្ធសាស្ត្រអភិវឌ្ឍន៏វិស័យហិរញ្ញវត្ថុ និងបានធ្វើបច្ចុប្បន្នកម្មយុទ្ធសាស្ត្រនេះជាបន្តបន្ទាប់ ។
