០៧ ធ្នូ ២០១៥
កាលពីព្រឹកថ្ងៃទី៧ ខែធ្នូ ឆ្នាំ២០១៥ នេះ ធនាគារជាតិនៃកម្ពុជាបានរៀបចំកិច្ចប្រជុំទ្វេភាគីជាមួយធនាគារកណ្តាលឡាវ ដើម្បីផ្លាស់ប្តូរព័ត៌មាននិងបទពិសោធន៍ទាក់ទង នឹងវឌ្ឍនភាពវិស័យសេដ្ឋកិច្ចនិងធនាគារ សំដៅបន្តរឹតចំណងជាមិត្តភាព និងកិច្ចសហប្រតិបត្តិការជាប្រពៃណី ក្រោមអនុស្សារណៈយោគយល់របស់ធនាគារកណ្តាលទាំងពីរ ។
នាឱកាសនោះដែរ ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា និងថ្នាក់ដឹកនាំធនាគារជាតិនៃកម្ពុជា បានទទួលស្វាគមន៍យ៉ាងកក់ក្តៅចំពោះគណៈប្រតិភូធនាគារកណ្តាលឡាវ ដែលដឹកនាំដោយ ឯកឧត្តម Somphao Phaysith ទេសាភិបាលធនាគារកណ្តាលឡាវ ។ ភាគីទាំងពីរបានបញ្ចប់កិច្ចប្រជុំប្រកបដោយជោគជ័យ ក្រោមបរិយាកាសសប្បាយរីករាយ ភាតរភាព និងស្និទ្ធស្នាលបំផុត និងបានប្តេជ្ញាបន្តពង្រឹងនិងពង្រីកកិច្ចសហប្រតិបត្តិការទ្វេភាគីឱ្យកាន់តែរឹងមាំថែមទៀត ។
